El próximu sábadu 28 d’avientu a les 21h na Plaza d’Abastos de Villaviciosa, la Banda de Gaites Villaviciosa -“El Gaiteru”, el Festival Internacional de la Gaita y el coleutivu Nueche en danza entamen la cabera xuntanza pa baillar, tocar y cantar en comuña d’esti añu. La cita va servir, amás de pa celebrar les feches navidiegues con música y baille’l país, pa recaudar fondos pal FIG 2025 gracies a les consumiciones na barra.
Foi en marzu del añu 2015 cuando s’organizaba per primer vez una Nueche en Danza en La Nueva (Llangréu) que, según los sos responsables, ye una «xuntanza de xente pa baillar, tocar y cantar ensin más pretensión que la de pasalo bien». L’éxitu de la convocatoria fixo que la idea cuayare y fuere fuere afitándose hasta llegar a decenes d’ediciones con cientos de danzantes revitalizando y dando puxu a la musica y el baille tradicional asturianos.
Suscríbite a les nuestres novedaes
