Xunetu entama con un fin de selmana enllenu de festivales, romeríes y alcuentros culturales que vuelven esparder la música asturiana per tol país. Dende Degaña hasta Bimenes, pasando per Xixón, Llanes o Quirós, la programación combina folk, rock n’asturianu, bandes de gaites y música tradicional nunes programaciones nes que destaquen eventos históricos como la XXX Fiesta de la Oficialidá de Bimenes o’l XII Maízu Rock xunto a festivales más nuevos como’l III Zarréu Fest o La Pitanza.
19:00 — Xornaes Músico-Culturales del Conceyu Xixón
Xixón
La programación fórmental’l conciertu fin de cursu de la Escuela de Gaita y Percusión Conceyu de Xixón.
21:00 — L.lariega
Parque de Somáu (Pravia)
Estes destacaes persones nel ámbitu de la música y el baille tradicional asturianu ufren un conciertu que pon en valor el patrimoniu cultural al traviés del usu de panderos, cantu y baille, fomentando la implicación activa de los asistentes.
21.30h — III Zarréu Fest
Degaña
III Sestaferia Cultural nel Monte con música asturiana entamada por AMA. El vienres actúen, ente otres, les formaciones n’asturianu Otramiente y Alienda.
22:00 — PVXARRA
Entragu (Teberga)
PVXARRA ye un tríu influenciáu por soníos como’l punk, rock n’ast, hardcore o drum&bass y que tien de referente a grupos como Death Grips, IDLES, Kneecap, Chill Mafia, Aphex Twin.
— XII Maízu Rock
Intriago (Cangues d’Onís)
Concursu de bandes d’esti festival que siempre apostó pol rock astur.
12:30 — XXX Fiesta de la Oficialidá de Bimenes
Martimporra (Bimenes)
Los Berrones, Xiranda Brass Band y Los Yerbatos actúen nesta fiesta na que tamién participen anguaño Los Sidros y pauliteiros de Miranda de l Douro.
12.30h — III Zarréu Fest
Degaña
III Sestaferia Cultural nel Monte con música asturiana entamada por AMA. El sábadu actúen, ente otres, les formaciones n’asturianu Los Trimendos y Pandereteiras de Cerréu, Felpeyu y La Tarrancha.
13:00 — L.lueñe
La Pimpana (Las Agüeras, Quirós)
Los veteranos músicos Alba Gutiérrez, David Varela y Adrián Argüelles formen esti proyectu que trabaya con repertoriu tradicional de tol cordal.
17:00 — Xeitu
Uviéu
Grupu de baille tradicional con más de venti años de carrera qu’amuesa una representación artísticu-escénica de la diversidá musical asturiana d’Oriente a Occidente.
18:00 — Xornaes Músico-Culturales del Conceyu Xixón
Xixón
III Alcuentru de Bandes de Gaites Memorial Pepe Blanco nel que participen les bandes Saxum (Xixón), Xurbeo (Ayer), Cuélebre (Llugones) y l’anfitriona Conceyu de Xixón.
19:00 — Llaciniegu, la romería del Llacín
Porrúa (Llanes)
Van actuar la Banda Gaites y Bandina de Llacín, Grupu Etnográficu L’Oriente, L.lariega, Abéu y Los Vicentos.
21:30 — Diañu Blues
Galeon Rock Club (Llaniu, Salas)
Diañu Blues nació en Xixón en 2017 y tienen la particularidá de ser la primer —y única— formación n’interpretar blues cantando dafechu n’asturianu.
— XII Maízu Rock
Intriago (Cangues d’Onís)
Esti día actúe trés bandes rellacionaes cola música n’asturianu: Ochobre, Los Vicentos y Mala Reputación.
13:00 — La Pitanza de Gaiteros del Carbón
Prau La Chalana (Llaviana)
Pau Santirso y María Vázquez y Abéu van poner música tradicional a esti eventu col que Gaiteros del Carbón siguen festexando 10 años de camín.
19:30 — Otramiente
Las Terrazas del Camagüey (Manzaneda, Gozón)
Formación de música tradicional del suroccidente d’Asturies.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
