6 Riales presenten el so espectáculu “Sutripar” con esti videu

El tríu de música tradicional 6 Riales ta acabantes d’espublizar en YouTube el videu “Conoz a 6 Riales“. Nél, Alba Menéndez, Elisabeth Montequín y Natalia Vega falen de los oríxenes, de la música que faen, de la bayura de la percusión tradicional, de les sos composiciones propies y del so espectáculu nuevu, “Sutripar“. Amás, pue vese un fragmentu con dellos de los cantares qu’interpretaron na so actuación nel festival Al Resve de Xixón y que dan forma a esti espectáculu nel qu’acompañaes de pandereta y instrumentos como morteru, llata pimentón o cuyares, trabayen por reinventar la tradición ensin perder la so esencia.

Mira’l videu “Conoz 6 Riales”

Mercar discos folk na tienda online