Güei ye Nuechebona y Algaire tán acabante d’asoleyar el so tradicional villancicu de Navidá. Nesta ocasión trátase d’un cantar con lletra de Gonzalo G. Pumares (Cerezal, Vérsica) y con música basada nuna pieza tradicional de Tameza recoyida a Domitila García pol ATOAM (Archivu de la Tradición Oral d’Ambás). El videu grabóse n’Avilés, ta realizáu por David AJ (Llevólu’l Sumiciu) y nél participen como actores miembros de l’Asociación El Cencerru – Sidros y Comedies de Valdesoto, Marta Fernández y Brenda Blanco.
Con esta publicación Algaire feliciten la navidá per tercer añu consecutivu a traviés de la publicación de música y imáxenes. En 2022 asoleyaron un Villancicu tradicional de Villalegre (Avilés) y en 2023 ún de los Báscones (Grau). «Carreres, gritos, llamaes, mensaxes col corazón, abrazos güesu con güesu, miraes: güeyos d’amor» son les pallabres qu’acompañen a la publicación d’esti cantar..
Suscríbite a les nuestres novedaes
