La tienda de Musicasturiana.com sigue ampliando catálogu y, tres de sumar a final del pasáu añu una montonera vinilos del míticu sellu FonoAstur editaos nos años 80 y 90, agora añade una referencia más. Trátase de Como tú yes, el discu que Nuberu grabaron en directo nel Teatru Campoamor los díes 23 y 24 d’abril de 1991. Ta a la venta por 23 € y ye un vinilu orixinal y de primer mano, anque nótase que tuvo más de 30 años guardáu nun almacén.
Nesti conciertu históricu el dúu formáu por Chus Pedro Suárez y Manolo Peñayos tuvieron acompañaos de los músicos que tocaben davezu con ellos per aquel tiempu y cunta coles collaboraciones especiales de El ‘Che’ de Cabaños (tonada), Manolo Quirós (gaita) y los coros de Joaquín Valdeón (tenor), Yolanda Montoussee (soprano), Lupe Díaz Bernabé (contraltu) y José Manuel Díaz (barítonu).
El LP ta formáu por once temes que percuerren los 13 primeros años de vida d’esta formación imprescindible del Nuevu Canciu Astur y de la música asturiana en xeneral. ‘D’Ayeri a güei’, ‘Soi vaqueiru’, ‘Aida Lafuente’, ‘Chalaneru’, ‘Tengo de rondar to valle’, ‘Asturies tiempu de nosotros’… son dalgunes de los cantares recoyíos nel que toi el primer discu en directu de la formación. Agora, más de 30 años dempués de la so edición, pueden volver a sentise en vinilu gracies al llabor d’ampliación de catálogu que dende 2017 lleva desendolcando Musicasturiana.com
Suscríbite a les nuestres novedaes
