Del 1 al 10 d’agostu de 2025 el Festival Intercélticu de Lorient va celebrar la so 54 edición, que nesta ocasión ta dedicada a los primos americanos. L’eventu más prestixosu del mundu celta ta acabante d’anunciar les primeres confirmaciones y, ente la trentena de nomes, hai tres asturianos: Alienda, Rubén Bada y Bada & Muñalén. La formación de power folk Alienda va presentar el so trabayu nuevu nesti eventu’l martes 5 d’agostu, mientres que’l dúu formáu polos veteranos músicos Rubén Bada y Pepín de Muñalén va actuar el miércoles 6. Amás, Rubén Bada tamién va actuar en solitario -el xueves 7- y va formar parte esti añu del espectáculu Celtic Odyssey #4 xunto a otros 13 pernomaos intérpretes de los países celtes.
Suscríbite a les nuestres novedaes
