Les Xornaes de Folclore del Suroccidente Concha Tresmonte lleguen esti fin de selmana a la so décima edición. Zarréu, en Degaña, acueye esti eventu qu’arranca’l vienres 1 a les 20h coles actuaciones de Pandereteras de Cerredo, Rosa Cunqueira, Pandereteras de Perendengue, Bandina Los Terribles y D’Urria. Pal sábadu 2 les actividaes entamen a les once la mañana con un desfile peles cais de Zarréu que va dar pasu a les actuaciones del Grupu de Baille Tradicional Perendengue, Grupu de Baille Tradicional La Corte de Enverniego (Valdés), Asociación de Baille y Danza Tradicional Filandón (Uviéu), Banda Gaitas Cangas de Narcea, Banda Gaitas de Zarréu, Grupu Folclóricu Blimea, A.F Picos de Europa, A.F Cuélebre (Llugones), Ximielga la Saya d’Avilés, l’A.F Aires de Cabrera (León) y el Grupu Folclóricu de Castroväes de Portugal.
L’asociación cultural El Bail.le entama esti eventu nel que tamién va haber un filandón popular la nueche del vienres 1 y nes que tamién va homenaxease a los ayuntamientos del suroccidente asturianu y va haber una conmemoración de l’estes xornaes que lleven por nome el de Concha Tresmonte, muyer finada en 2012 que ta considerada una de les figures más importantes de la música tradicional del suroccidente del país y una de les tocadores de pandeiru más destacaes,
Suscríbite a les nuestres novedaes
