Tres meses depués de llanzar el so primer EP ‘Collacios‘, la banda xixonesa de blues-rock Diañu Blues publica dos nuevos cantares que dan forma al so segundu EP: ‘El Bail.le’. L’álbum yá ta disponible en toles plataformes dixitales
Asina presenta’l grupu esti nuevu EP:
“¡El fornu del Diañu nun para! ¡Toavía ta caliente el anterior single y yá traemos un par de temes más recien sacáos del nueso estudiu y preparaos pal ximielgue xeneralizáu!
Nesti casu trátase d’un tema propio, «El baiḷḷe», que xurdió a partir d’un viaxe perprestosu a Narcea, y col que queremos reivindicar la cultura asturiana y puxar pa que nun muerra. Per otru llau facemos la nuesa interpretación de «Just a little bit» de Magic Sam, que pa nosotros ye «Un pucuñín».
Suscríbite a les nuestres novedaes
