Pasín a pasu van anunciándose más feches d’esos eventos que puen calificase de «fundamentales» pa tola xente siguidora de la música asturiana. Esta selmana confirmó feches el FolkAyer, que va celebrase los díes 17, 18 y 19 d’ochobre en Morea. Llega asina esta cita a la so décima edición como Alcuentru Folclóricu n’Ayer, nome que caltuvo toos estos años pero qu’en 2023 añadió-y la denomación de FolkAyer.
El formatu d’esti eventu entamáu pola Banda Gaites El Gumial col sofitu del Conceyu d’Ayer va siguir siendo el que vien dándo-y personalidá al festival nos últimos años: un amiestu de conciertos, alcuentru de bandes de gaites, talleres, mercáu, gastronomía y otres actividaes que van dir anunciándose próximamente.
Na semeya, una actuación de Pandereteros d’Anguaño.
Suscríbite a les nuestres novedaes
