Galanura, el V Festival Internacional d’Indumentaria Tradicional de Zamora que va celebrase ente’l 28 d’abril y el 11 de mayu y qu’entama l’Agrupación Belenista La Morana, va cuntar nesta edición cola participación del Grupu Etnográficu L’Oriente. El colectivu d’investigación del folclore que dirixe Santi Galguera va facer una amuesa d’indumentaria documentada nel oriente asturianu dende la metá del sieglu XIX hasta l’entamu de los traxes d’aldeana y porruanu, cuntando la so evolución hasta anguaño y el so reconocimientu como Bien d’Interés Cultural.
El taller de Gloria Naves y el Muséu Etnográficu del Oriente d’Asturies collaboren con esta iniciativa que lleva por títulu De Picos d’Europa a la marina de Llanes. Indumentaria tradicional y representativa del oriente d’Asturies que va poder esfrutase’l domingu 11 de mayu a les 12h nel Teatro Ramos Carrión de Zamora como clausura del festival. Con esta iniciativa, el Grupu Etnográficu L’Oriente sigue espardiendo la cultura asturiana más alló de les llendes del territoriu asturianu dempués de la so actuación nel Serán O Fiadeiro de Vigo en xineru d’esti añu.
Suscríbite a les nuestres novedaes
