Entama ochobre con una axenda enllena de festivales, conciertos y charres

Arranca la programación musical d’ochobre con una bona amuesa de los cuasique trenta eventos confirmaos dende esti fin de selmana hasta’l caberu día del mes. La Folixa la Sidre de Ribeseya, un festival de canción asturiana, conciertos d’Alicia Álvarez, La Maramoniz, La Tarrancha, Dixebra y Marisa Valle Roso, y un alderique con Leti Baselgas y Rocío Antela son les distintes cites qu’hai na axenda ente güei y el domingu. Esti ye’l resume de tola programación:

FOLIXA LA SIDRE DE RIBESEYA

L’Asociación Cultural Entaína Ribeseya organiza un añu más la Folixa la Sidre apostando pola música’l país. Dende mañana hasta’l domingu, el Campu les Rolles de Ribeseya acueye dende ayer hasta’l domingu actuaciones de música tradicional, conciertos, concursos de gaita, sidra casero y escanciao, y otres actividaes venceyaes a la cultura de raigañu.

Vienres 4:

• 20h: Banda Gaites Ribeseya.

Sábadu 5:

• 11h: Concursu de Gaiteros Solistes «Gelu Cuervo».
• 13,30h: Conciertu de 6 Riales.
• 19h: Pasucáis del GF Prau Llerón y la BG El Gumial.
• 21.30h: Conciertos de Draque, Corquiéu y Alienda.

Domingu 6:

• 12.30h: Conciertu de La Xarangana.

CONCIERTOS

• Sábadu 5 a les 18.30h en Turón: Mapi Quintana & La Maramoniz nel festival ECOS.

• Sábadu 5 a les 22.30h en Mieres: La Tarrancha.

• Sábadu 5 a les 00.30h en Pravia: Dixebra.

• Domingu 6 a les 13.15h nel Pozu Sotón: Marisa Valle Roso.

MÁS EVENTOS

• Vienres 4 a les 19.30h en Candás: Diálogu ‘La muyer na cultura asturiana contemporánea‘ con Leti Baselgas y Rocío Antela.
• Sábadu 5 dende les 11h en L’Infiestu: AF Picos de Europa, Fran Allegre con Nel Villanueva y la Bandina’l Rebollu nel XVII Mercáu Tradicional de Mestres.
• Sábadu 5 a les 18h nel Pozu Sotón (L’Entregu): I Festival Folclóricu Territoriu Mineru cola participación de Carlos Velasco, Alicia Villanueva, Paula Prieto Castaño, Belén Arboleya, Héctor Braga, Coro Minero de Turón y Coro El Carmen José León Delestal.
• Sábadu 5 a les 18.30h en Xixón: Conciertu de ‘Canciones pa la xentiquina‘ d’Alicia Álvarez nel XI Día de la Reciella.

Merca discos de los artistes qu’actúen esti fin de selmana