Na mañana d’ayeri entamaron en Supersonic Studio les grabaciones de lo que va ser un llibru-discu venceyáu a les Xornaes del Vigulín de L’Infiestu. Esta iniciativa ta entamada pol Proyectu Européu Culturality, nel que participa la Universidá d’Uviéu y que vio nes Xornaes del Vigulín un exemplu de Xestión Patrimonial nel mundu rural.
Celia Nieto y Marta Fernández Vilar coordinen la parte musical d’esti llibru-CD nel que participen distintos vigulineros del panorama folk asturianu, alumnos y profesores de les Xornaes. El llibru contará, amás, con un compendiu d’artículos de dellos autores nos que se van estudiar diversos aspeutos del vigulín dientro de la tradición musical asturiana y va incluyir tamién les partitures asociaes a les distintes grabaciones. Espérase que’l proyectu pueda tar espublizáu y disponible de baldre nel tercer cuatrimestre d’esti añu.
Suscríbite a les nuestres novedaes
