El Gobiernu d’Asturies abrió’l procesu de consulta pública previa pa la futura convocatoria d’ayudes destinaes a proyectos de cultura tradicional, según recueye’l Boletín Oficial del Principáu (BOPA). Esta fase tien como oxetivu recoyer opiniones y propuestes enantes de la redacción definitiva de les bases reguladores.
D’esta manera, persones, colectivos y entidaes venceyaes al ámbitu cultural van poder treslladar les sos aportaciones hasta’l próximu 27 de mayu, participando asina na definición d’una llinia d’ayudes que busca reforzar la protección, difusión y dinamización del patrimoniu cultural inmaterial asturianu.
La iniciativa enmárcase na política cultural del Gobiernu asturianu, que vien impulsando distintes convocatories de subvenciones pa fomentar l’actividá cultural y la tresmisión de la tradición, especialmente nel ámbitu local y asociativu. Nesti casu, el procesu entama con una fase abierta a la ciudadanía, lo que permite incorporar la visión del sector enantes de la convocatoria formal.
Prevese qu’estes ayudes que s’orienten a proyectos rellacionaos cola música tradicional, la tradición oral, les fiestes populares o la investigación y divulgación del patrimoniu, llinies que yá formen parte habitual de les polítiques de sofitu cultural del gobiernu asturianu.
Suscríbite a les nuestres novedaes
