La Banda Gaites Villa Mieres anunció esta mañana en redes sociales la perda de Chema Areces, el que fuera’l fundador y primer presidente d’esta agrupación hai 30 años. Tamién yera’l pá del actual director, Jorge Areces. «Güei ye un dia murniu pa la Banda Gaites Villa Mieres, ye la primera vegada que despidimos a ún de los nuesos. Una persona bien importante y esencial pa que pudieramos llegar hasta equí y cumplir 30 años. Foi fundador y el primer presidente de la Banda. Nun te vamos escaecer, el tu recuerdu quedará siempre ente nós. Que la tierra te seya llixera Chema», declararon dende la formación mierense.
Dende MUSICASTURIANA.COM llamentamos la perda d’esta persona comprometida cola música’l país, agradecemos el so llabor y mandamos un abrazu fuerte a tolos sos familiares y persones cercanes.
Suscríbite a les nuestres novedaes
