Güei, xueves 18 de xunetu, entama la 42 edición del Concursu de Canción Asturiana qu’organiza’l diariu El Comercio cola fase clasificatoria. Un total de 31 cantadores van competir na Categoría Absoluta del certame ente güei y esti sábadu 20, a les 19h, na Plaza la República d’El Coto. Amás, na Categoría Moza participen 5 cantadores, dellos más que na cabera edición. Quien se clasifique, va aportar a les semifinales del vienres 26 y sábadu 27, na mesma plaza del barriu xixonés. La final va tener llugar los díes 1 y 2 d’agostu na Plaza Mayor a les 19h, siendo esti eventu coordináu por Valentín Fuente y con sofitu de Divertia, el Principáu d’Asturies, Caja Rural de Xixón y El Corte Inglés, ún de los clásicos del branu xixonés.
Les persones que van actuar güei son, por orden d’actuación: Carlos Mier Mier, Guzmán González Gutiérrez, Maribel Fernández Fernández, José Sánchez Sánchez, Francisco Queipo García, Valentín García Fernández, Tatiana Suárez Díaz, Aquilino Fernández González, Isaac Sierra Longo y Cristina Sánchez Sánchez.
Per otru llau, el vienres concursen Ángel Fernández Morán, Dorinda García Rodríguez, José Manuel González Granda, José García García, José Luis Verdeja Sánchez, Manuel Sañudo Sanz, Odón García González, Alicia Villanueva Megido, Manuel Roza Llera y Lorena Corripio López.
Pa finar esta fase clasificatoria, el sábadu canten Manuel López Menéndez, Salvador Ondó Bibang, Corsino Llaneza Conde, Lucía Alonso Suero, Daniel Pérez García, Andrés Abad Guerra, Piedad García Guerra, Rubén Barredo Sánchez, Raúl Díaz García, Luisa Martínez Suárez y Sergio Menéndez Fernández.
Categoría Moza
Depués d’entamar cola Xornada Moza na edición del añu pasáu, cinco intérpretes van volver amosar qu’hai futuru y relevu xeneracional dientro de l’asturianada: Lucía Fernández Flórez, Mario González García, Bárbara Riesco Gómez, Jairo Pérez García y Lucía Díaz Rodríguez.
Suscríbite a les nuestres novedaes
