Fina’l branu con una axenda na que destaquen dos memoriales dedicaos a la gaita y la canción asturiana. Amás, el festival RARA (Llanes) y l’Agrosiero apuesten por dos actuaciones de folk. Esti ye’l resume de tola programación:
La Banda Gaites Conceyu de Xixón entama la primer edición d’esti eventu mañana, sábadu 21 de setiembre a les 18h. Participen, amás de la propia banda, la BG Noega, BG Saxum y la BG Templarios del Oza (El Bierzo). Dempués de delles actuaciones en places, les cuatro agrupaciones van desfilar nun pasucáis pel Paséu de Begoña, onde van facer un conciertu a les 20h.
L’Auditoriu Teodoro Cuesta de Mieres acueye esti domingu 22 a les 19h un conciertu d’asturianada nel que van actuar les intérpretes y campeones Lorena Corripio, Maribel González Morán, Mª Luisa Martínez, Sergio Menéndez, Isaac Sierra Longo, Carlos Velasco, Esteban Verdeja y Alicia Villanueva xunto al gaiteru Fonsu Les Regueres.
Suscríbite a les nuestres novedaes
