Dende esti vienres 26 hasta’l domingu 28 Xixón acueye la décima edición d’Escenines pa la Reciella, festival d’artes escéniques qu’entama l’asociación de families pol asturianu, Reciella. Nesta ocasión va tar dedicada a lo que la organización define como «un elementu fundamental pa la tresmisión, el aprendizaxe y el disfrute de los idiomes: la música«. Asina ye como van actuar Fernando Valle Roso y Silvia Moreno, Pop Piquiñín y Dúu Amati.
La programación va entamar nel patiu del Centru de Cultura Antiguu Institutu el vienres 26, a les 19h, col conciertu Cantares de y pa neñ@s, a cargu Fernando Valle Roso y Silvia Moreno, en compañía de Sátur Vega. El sábadu 27, a les doce’l mediudía, va celebrase’l conciertu-presentación del llibru-discu Pop piquín. Una escoyeta de les canciones n’asturianu de petit pop. El festival va zarrase’l domingu 28, tamién a les 12 hores, cola sesión de cuentacuentos Histories sonores, del Dúo Amati. Toles actuaciones tienen entrada llibre hasta completar aforu.
Suscríbite a les nuestres novedaes
