Musicasturiana.com pon a la venta más trabayos de Joaquín Pixán

Va unes selmanes el tenor cangués Joaquín Pixán asoleyaba’l llibru-DVD Fernán-Coronas, una llectura musical. Coincidiendo cola publicación d’esti trabayu nuevu, musicasturiana.com amplía’l catálogu disponible na tienda online d’esti intérprete. Diálogos, Un Cancioneru Asturianu pal Sieglu XXI, Tentativa de un Cancionero Asturiano para el Siglo XXI – estos dos xunto a Antonio Gamoneda– y Misa de gaita y tonadas asturianas -que firma xunto a José Ángel Hevia-, son les obres que se sumen al catálogu nel que yá taben a la venta Palabres de Muyer y Paxarín Parleru.

Joaquín Pixan ye’l cantante tenor más importante de la música asturiana. En 1963, con namás 13 años, ganó’l so primer concursu en Radio España de Madrid y a los 16 entamaría la so formación académica artística. Trabayó con milenta orquestes, directores y cantantes renomaos de tol mundu, y actuó nuna montonera países. Tien más de 20 trabayos publicaos y nellos destaca’l so compromisu cola canción asturiana, incorporando al so repertoriu pieces populares qu’interpreta dende la perspectiva de la música culta.

Mercar trabayos de Joaquín Pixán