La tienda de Musicasturiana.com súmase a la cellebración del Día de les Lletres Asturianes. Tolos pidíos qu’entren na web esti vienres 9 de mayu, amás de les ventes de discos y llibros na oficina de Xixón y na tienda de Puru Remangu d’Uviéu, van tener un 10% de descuentu y llevar de regalu’l llibru Xosé Álvarez, Pin. Asturies Siempre. El códigu de descuentu qu’hai qu’usar al facer la compra online ye diadeleslletres2025.
Dende’l 2 de mayu ta celebrándose la 46 Selmana de les Lletres Asturianes, qu’esti añu ta dedicada a Xosé Álvarez, Pin (1948-2001), figura clave na primer promoción del Surdimientu y ún de los máximos exponentes de la lliteratura asturiana de la diáspora. Pin, mantuvo viva la cultura asturiana dende Arxentina, pa onde emigró bien mozu, y más tarde dende Madrid, onde siguió nutriendo la lliteratura infantil en llingua asturiana y vinculóse a asociaciones mui actives na defensa de les llingües y cultura d’Asturies. El llibru Xosé Álvarez, Pin. Asturies siempre y el documental Xosé Álvarez y el Conceyu d’Asturies en Madrid, editaos pol Gobiernu asturianu pa la ocasión, analicen con detalle la trayectoria d’un autor que s’adelantó cuasi nuna década al Surdimientu, escribiendo’l so primer cuentu n’asturianu en 1966, con 18 años.
Suscríbite a les nuestres novedaes
