Yá ta en toles plataformes dixitales Son d’Ermu, el primer trabayu de Picarós. El tríu de folk formáu por Iván Álvarez (gaites asturianes, gaita MIDI, whistles y voz), Daniel de la Nava (guitarres) y Chus Fernández (bodhrán) presenta diez temes de composición propia qu’entemecen tradición y soníos contemporáneos. La banda va presentalo mañana en direutu na final del Concurso Runas del Festival Internacional do Mundo Celta de Ortigueira depués de quedar ente los tres finalistes de la votación online.
Picarós nació nos valles del Trubia en 2021 col envís de buscar un soníu frescu y vibrante mediante la esperimentación sonora y l’amiestu de xéneros. Ente les sos influencies tán formaciones asturianes y foriates como Flook, Michael McGoldrick, Tejedor o Llan de Cubel. Esti primer álbum grabáu nos TUTU Estudios ye una amuesa de la identidá musical y autenticidá que’l grupu quier reflexar.
Suscríbite a les nuestres novedaes
