El mes pasáu La Fabriquina editó Pop Piquiñín. Una escoyeta de les canciones n’asturianu de Petit Pop. Pa celebrar esti añu nuevu la formación xixonesa llanzó a traviés de les sos redes sociales el videu de «Facemos una conga», cantar inéditu n’asturianu que forma parte del séptimu trabayu discográficu que’l grupu editó na llingua d’Asturies. El videu ta grabáu en dellos espacios de Xixón y nél apaecen otros músicos y formaciones de la ciudá, xunto a delles families.
Pop Piquiñín. Una escoyeta de les canciones n’asturianu de Petit Pop ye un llibru-discu compuestu por una escoyeta de diez cantares -ente los qu’hai dellos inéditos n’asturianu– onde les lletres acompañénse coles ilustraciones del dibuxante Pedro Balmaseda, diseñador de cabecera de la banda, y tamién por anécdotes y curiosidaes sobre cada canción contaes por un grupu que tornó tola so discografía al asturianu: Pop Piquiñín, Cantares pal coche, Surf na bañera, Andamos en bici, Nun mos gusten los llunes, Que nun te tarreza la naturaleza.
Suscríbite a les nuestres novedaes
