Algaire publiquen la versión de “Coral y Maera” cola que ganaron el Premiu Camaretá

El pasáu mes d’ochobre Algaire ganaron el XIV Premiu Camaretá al Meyor Cantar en Llingua Asturiana con una reinterpretación del so cantar “Coral y Maera” al que-y amestaron instrumentos de cuerda. El resultáu ye un tema con una sonoridá más pop, sele y arriquecida musicalmente que la versión que se podía sentir nel so primer discu, entituláu como’l propiu cantar. Agora esta nueva versión yá ta en toles plataformes musicales y la canción aporta xunto a un videoclip realizáu por Desenfocado Producciones, obra audiovisual que naz gracies a la victoria d’esta formación nel Premiu Camaretá.

Mira’l videoclip y merca’l discu