A finales de marzu Asturtralla asoleyó en CD Fame, Sidre y Rockangaita, el so segundu discu físicu. Nesti álbum el grupu punk-rock compila los once temes que foi publicando dende 2023 en formatu dixital: los del EP Grasa pal focicu, les versiones de Dixebra, Eskorbuto y La Polla, el tema dedicáu a Les 6 de la Suiza, y los del so EP últimu Roxos Fame Pioyos. Agora’l trabayu completu pue sentise tamién en toles plataformes musicales.
Asturtralla ye ún de los primeros grupos qu’hubo de punk-rock n’asturianu. Entamaron a ensayar en 1994 n’Avilés, grabaron un par de maquetes y participaron nel compilatoriu ‘Sáca-yos la Llingua‘ (1997, L’Aguañaz) colos cantares ‘Utopía Ciencia Ficción’ y ‘Na Zona Muerta’. En 2021 regresaron asoleyando l’EP homónimu Asturtralla; al que siguió Grasa pal focicu (2023) y la publicación una serie de singles a lo llargo pasáu añu: les versiones ‘Asturies insumisa’ (‘Zapatista’, de Dixebra), ‘Nun somos nada’ de La Polla Records y ‘Ye un crimen’ d’Eskorbuto; y la composición propia ‘Les 6 de La Suiza’, cola collaboración de Reichel d’Ochobre y La Morgue y que voi votáu por los y les llectores de musicasturiana.com como’l décimu meyor cenciellu de 2025.
El pasáu 28 de marzu volvieron a los escenarios dempués de 30 años ensin tocar en directo. El balance del conciertu que dieron en La Traviesa de L’Infiestu ye mui positivu y foi l’entamu de la xira Ensayos con xente que va llevar a esti grupu de rock astur a dar más actuaciones.
Suscríbite a les nuestres novedaes
