La música folk asturiana sigue bien viva y con munchu movimientu nes próximes selmanes. Les bandes Buir y Felpeyu dieron a conocer va dellos díes les sos nueves feches de conciertos, llevando’l so repertoriu per dellos conceyos d’Asturies.
Buir, la banda formada por Vero Rubio, Xose Antón Ambás y Pepín de Muñalén entama una pequeña xira que los va llevar per dellos escenarios del país. El primer conciertu va ser en La Pola L.lena esti domingu 10 de mayu nel Teatru Vital Aza a les 20:00 hores. Depués, el vienres 22 de mayu, van actuar en Cangas del Narcea, nel Teatru Conde Toreno, tamién a les 20:00. La siguiente cita va ser en Xixón, el xueves 28 de mayu, nel CCAI Xovellanos a les 19:30. Yá en xunu, el vienres 5 van tar en Porrúa, nel Muséu del Oriente d’Asturies, y van zarrar esta riestra de conciertos el sábadu 27 en Corvera, nel Teatru La Lechera a les 19:00.
Pela so banda, Felpeyu tamién suma nueves feches al so calendariu. El 12 de xunu van actuar nel Auditoriu d’Uviéu a les 21:00 hores, dientro de la programación del XVIII Festival de la Mázcara Ibérica. El 4 de xunetu van dir a Zarréu (Degaña), con conciertu a les 23:30 nel Zarréu Fest. El 25 de xunetu van tocar na Plaza Mayor de Xixón a les 16:00 y, a lo último, van actuar el 9 d’agostu en La Corrada, en Sotu’l Barcu, a les 22:00 hores.
Suscríbite a les nuestres novedaes
