Vuelve una edición de la Seronda en Danza de Grau. Esti sábadu 15 payares l’IES César Rodríguez de la villa moscona va enllenase de baille y música tradicional. A les 17h va haber un taller en familia pa la reciella de 1 a 5 años -ye necesario apuntase enantes nel teléfonu 637702826-; a les 18h hai un taller de pandereta que pon Nel Villanueva y a les 19h otru de baille’l país que va dar Paz Mesa. La xornada remata dende les 20h cola Nueche en Danza na que van xubir al escenariu Rubén Bada y Pepín de Muñalén y Ana Feito y Alba Estrada de Rellume xunto a Eduardo Llosa. La xornada remata con micru abiertu «pa tolos que se quieran xuntar a la danza».
Toles actividaes son de baldre nesta centama entamada dende hai yá unos años pol Centru Infancia y Mocedá La Panera, el Serviciu de Normalización Llingüística de Grau y el Conceyu Grau.
Suscríbite a les nuestres novedaes
