L’axenda pa esti vienres, sábadu y domingu ta marcada pol protagonismu de propuestes nueves de la música’l país: tanto les que tán formaes por xente mui nuevo -Eskalón-, como les más recientemente creaes -PVXARRA-, como les que trabayen cola música asturiana dende perspectives novedoses-Rodrigo Cuevas, Antón Menchaca, Leirana-. Asina ye como Avilés, Llaviana, Uviéu, Xixón, Mieres, Morcín y Salas concentren esti fin de selmana nueve cites colos soníos más nuevos d’Asturies. Tola información ta na axenda de Musicasturiana.com y nes noticies publicaes.
21:30 — Rodrigo Cuevas
Pabellón de La Magdalena (Avilés)
El «ministru de verbenes» presenta La Belleza, l’espectáculu qu’acompaña’l so trabayu nuevu, Manual de Belleza.
17:30 — Eskalón
Plaza Ilesia de Villoria (Llaviana)
Grupu punk-rock formáu por xente mozo con repertoriu propiu y versiones.
18:00 — Proyección Los Rapacinos
Cines Embajadores Foncalada (Uviéu)
Documental sobre la tradición del baille a lo llixero n’Asturies, fechu por L’Andecha Folclor y Cuatro Gotes.
19:30 — Antón Menchaca
La Münster (Xixón)
Dúu qu’entemez voz y guitarra nuna propuesta qu’axunta asturianada con sonoridaes contemporánees.
20:00 — Coru Al Altu La Lleva
Auditoriu Teodoro Cuesta (Mieres)
Participación nel espectáculu Música para una revolución, en conmemoración del 25 d’abril de Portugal.
21:30 — PVXARRA
CSA L’Aviru La Xagoncia (Morcín)
Tríu de la escena alternativa con influencies del punk, hardcore y electrónica.
21:30 — Rodrigo Cuevas
Pabellón de La Magdalena (Avilés)
Segunda xornada del espectáculu La Belleza.
12:00 — Concursu de Canción Asturiana «Ciudad de Oviedo» (eliminatories)
Teatru Filarmónica (Uviéu)
Veteranu certame de tonada que se celebra tolos domingos hasta finales de mayu.
17:00 — Leirana
Certame de Quesos Artesanos d’Asturies (Salas)
Proyeutu lideráu por Nel Villanueva que combina instrumentos tradicionales y contemporáneos.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
