Más de 50 discos vendíos nel puestu de la Semana Negra
0 comentarios
Yá acabó la Semana Negra de Xixón y el balance de la participación musicasturiana.com vuelve a ser positivu. Nos diez díes que duró esta feria, vendiéronse 51 artículos nel stand, l’únicu puestu especializáu en música n’asturianu que participa na Semana Negra. Amás, esti añu el portal dixital organizó dientro del Kamtxaka Bar una de les poques actividaes n’asturianu qu’acoyó esti eventu cultural xixonés, la charra “Música asturiana y lliteratura” na que participaron Ruma Barbero y Xune Elipe pa presentar les sos últimes obres: el cómic Seltegu, l’ensayu Hai una llinia trazada y el discu-llibru de Dixebra Ente la niebla.
El llistáu de los diez artículos más vendíos ye’l vien darréu:
- XUNE ELIPE – ‘Hai una llinia trazada’
- OI! N’AST – ‘Sangre y Fierro’
- RUMA BARBERO – ‘Seltegu’
- L-R – ‘N.O.S’
- L-R – ‘post-folk-asturianu’
- JOSE MANUEL TEJEDOR- ‘Lluz’
- DIXEBRA – ‘Ente la niebla’
- RODRIGO CUEVAS – ‘Manual de Cortejo’
- LUCAS 15 – ‘Lucas 15’
- ALICIA ÁLVAREZ – ‘Kikirikikí’
