El Conceyu Mieres y l’Asociación Cultural Güeria San Xuan premiaron esti domingu 29 d’avientu al maestru cantador Ismael Tomás Montes y al gaiteru Iñaki Sánchez Santianes na gala d’asturianada XXII Festival Mieres Mozo.
Ismael Tomás ye ún de los intérpretes d’asturianada más reconocíos anguaño. Na so carrera destaquen, amás de los numberosos premios y actuaciones en certámenes, el so maxisteriu del xéneru en delles escueles de Xixón, Grau y el Valle Bah.u de Peñamellera. Lorena Corripio, Marina Carbajosa -ganadores dambes del Premiu «La Busdonga»-, Luisi Martínez y José García son parte del so alumnáu.
Pel so llau, Iñaki Santianes recibe’l V Premiu Gaita Real pol so venceyu y compromiso cola música tradicional asturiana. Santianes ye fagotista, gaiteru, profesor y director de la Banda Gaites La Laguna del Torollu, cola qu’entamó’l proyectu 13 Reyes pal caberu Festival Intercélticu de Lorient xunto a la Banda del Atenéu Musical de Mieres.
Suscríbite a les nuestres novedaes
