Musicasturiana.com publica la llista de los discos más vendíos en 2022

Dende que’l proyectu musicasturiana.com abrió la tienda online a finales de payares de 2017, vien publicando periódicamente delles llistes colos discos más vendíos. La del recién acabáu añu 2022 yá se conoz y contabiliza cerca de 1.000 discos vendíos sumando les ventes de la web, de la so oficina asitiada nel barriu d’El Natahoyo en Xixón, de los mercadinos ambulantes nos participó y de les ventes de la xente que s’asoció a L’Ensame y que tienen incluyíos dellos discos de regalu cola so cuota.

De toles ventes, los discos más vendíos son los que vienen darréu:

1. Dixebra – Ente la niebla
2. Algaire – Coral y maera
3. Baxel – El Cantar del Simpatías
4. José Manuel Tejedor – Lluz
5. L-R – N.O.S
6. La Garrapiella – Esmesando
7. Llan de Cubel – L’otru llau de la mar
8. Llan de Cubel – IV
9. Llan de Cubel – Na llende
10. Felpeyu – Yá

Mercar los discos más vendíos na tienda online