Esti sábadu 29 de payares a les 19.30h y con entrada llibre l’Auditoriu Teodoro Cuesta de Mieres celebra la primer edición del Artusina Fest, eventu qu’entama’l Grupu Folclóricu L’Artusu de Figareo y nel que van participar les agrupaciones de música tradicional Banda Gaites Güestia (L.lena), Flor de Xanzaina (L.lena), Xirandola Bandeira (Galicia) y Xuacu, Delina, Maruxa, Ánxel, Gusti, Telvina y Cipriano.
«Artusina Fest ye una apuesta del grupu por facer daqué distinto, siempre dende la tradición, ensin escaecer los oríxenes. Hai enforma trabayu detrás, como siempre, pero anguaño más. Tamos bien arguyosos del resultáu y agora namás falta amosávoslo, nun vemos la hora!!», publicó L’Artusu nes sos redes sociales añadiendo qu’estos díes van dir cuntando más detalles.
Suscríbite a les nuestres novedaes
