El vienres pasáu celebróse’l Concursu de Pareyes de Gaita y Tambor “Memorial Diego Alonso”, nel marcu de la XXIX edición del Festival de Bandes de Gaites Villa de Candás. Los ganadores nesta ocasión foron la pareya formada pol gaiteru Álvaro Cueto y pol percusionista Hernán Iglesias; dambos directores de gaita y percusión respectivamente de la Banda Gaites Camín de Fierro, responsabilidá qu’exercen dende hai poco más d’un añu.
Amás, estos músicos participen d’otros proyectos; Cueto toca nel grupu post-rock Melandru y Iglesias na bandina Los Collaínos. Con esti gallardón, la pareya consolídase nun concursu que dende hai años vien puxando pol reconocimientu d’esta estaya de la música tradicional na capital de Carreño.
Suscríbite a les nuestres novedaes
