Mayu remata cola axenda enllena de música’l país y con protagonismu de dellos festivales y fiestes. Les cites cola música asturiana entamen esti vienres 30 con la Feria L’Ascensión d’Uviéu, que tien programada más de 15 actuaciones; los conciertos de La Bonturné en Nava (Casa la Cultura, 19h) y Fabes de Mayo na Sala Loreto de Colunga a les 19h; y La Peruyanza en Les Arriondes na que toquen 6 Riales, Les Ruxideres del Sueve y hai un taller de Santi Galguera.
Pal sábadu 31 Somiedu acueye l’eventu Música ya baille tradicional n’El Val.le a les 19.30h ; l’Auditoriu Uviéu l’espectáculu 13 Reyes a les 20h; Cangas del Narcea un conciertu de Tania Pereira nel Teatru Torenu (20h) y la Taberna Narciso de Teberga unu de Rollu Folk a les 22h.
L’axenda compétase’l domingu 1 de xunu cola primer semifinal del XIII Concursu de Canción Asturiana Conceyu Siero nel Auditoriu de La Pola a les 11.30h y sol II D’Sidres Folk Fest en Nava nel que van actuar La Garrapiella y el GFI El Ventolín.
Tola programación detallada d’equí a los próximos meses pue vese na Axenda de Musicasturiana.com.
Suscríbite a les nuestres novedaes
