Güei miércoles 12 a les 11.30h el Conservatoriu Superior de Música del Principáu d’Asturies «Eduardo Martínez Torner» (COSMUPA) va acoyer la primer audición del cursu del alumnáu de gaita y d’otros instrumentos tradicionales, amás de música de cámara. Asturianada, motete, tarantella, sorgineta, sonata, jota o alborada, son dalgunes de les pieces que van sonar, iguaes pa gaita por parte profesoráu d’esta institución académica y por otros músicos del país.
L’alumnáu que va participar ye Arsenio Ruiz González (gaita), Carlos Casado Huerta (gaita y saxu altu), Rebeca Rebollo Rodrigo (gaita) y Eduardo Llosa García (bombu tradicional), amás d’Andrés Ruiz Ortega (bombardino) y Ramón Castelao Doce (trombón baxu). Ente’l profesoráu alcuéntrase Rodrigo Fernández Joglar (gaita y tambor asturianu), Garazi Navas Mundiñano (curdión cromáticu) y Laura García Cobos (pianista repertorista). Collabora Xaime G. Arias al pianu.
Suscríbite a les nuestres novedaes
