L’últimu fin de selmana de mayu llega con una intensa programación de música asturiana qu’entemez festivales, conciertos, alcuentros culturales y cites venceyaes a la tradición. Dende Les Arriondes hasta Teberga, pasando per Somiedo, Mieres o Uviéu, l’axenda vuelve amosar la vitalidá y diversidá de la escena musical del país. Tola información ta nes noticies publicaes y na axenda completa: https://musicasturiana.com/axenda/lista/
18:00 — L’Asturianada ye Prestosa
Casa Cultura de Santuyano (Bimenes)
Xornada que fai «un viaxe a la escencia de l’asturianada» y na que va poder deprendese sobre la «hestoria, tradición y voces que caltienen viva» la forma más vieya de cantar n’Asturies.
19:00 — Peruyanza
Parque de La Llera (Les Arriondes, Parres)
Na edición d’esti añu participen Ruxideres, María Trubia & Pau Santirso y Santi Galguera.
19:00 — Brassica Tríu
Sala Loreto (Colunga)
Vero Rubio, Pepín de Muñalén y Miguel García formen esti grupu que reivindica a los compositores clásicos que bebieron de la música popular
19:30 — Raigañu
Prau La Chalana (Llaviana)
La propuesta «agro-folk-rock» de Raigañu caleya pente’l folk-rock, el punk y la música tradicional, col protagonismu d’una sección de vientos. Nes lletres rescampla un mensaxe de crítica social y costumismu, too ello enlleno d’ironía y col mundu rural como escenariu.
Tol día — Alcuentru Cultural de Les Poles d’Asturies y Llión
Recientu Ferial de Somiedo
Participen Pandereteras de Somiedo, Ambás ya Ramsés, l’alumnáu de Nel Villanueva, Leirana, El Gumial, Cancios de Chigre y hai asturianada.
13:00 — La Pitanza del Sociu
Parque de La Llera (Les Arriondes, Parres)
Na edición d’esti añu participen Los Muíles
19:00 — L’Artusu Sinfónicu
Espaciu Cultural Pozu San José (Turón, Mieres)
El Grupu Baille Tradicional L’Artusu axúntase a la Banda de Música de Mieres y al Ochote Mieres del Camín pa crear un espectáculu qu’axunta tradición y música sinfónica.
19:00 — 13 Reyes – Episodiu II
Auditoriu d’Uviéu
La Banda de Gaitas La Laguna del Torollu y la Banda Sinfónica del Ateneo Musical de Mieres entamen esti proyectu con composición de Yónatan Sánchez Santianes que cunta la hestoria de la monarquía asturiana.
22:00 — Rellume
Taberna Cuévano (La Pola Siero)
Banda de música pal baille, respetando les estructures tradicionales, pero con toque personal col que dar un relumbrón nuevu a la pandereta y al so son.
12:00 — Rollu Folk
Camping Deva (Xixón)
Conciertu d’esta formación qu’entemez la música asturiana de calter más tradicional cola sonoridá del folk noventeru d’Asturies.
12:00 — Concursu de Canción Asturiana «Ciudad de Oviedo» (finales)
Teatru Filarmónica (Uviéu)
Veteranu concursu d’asturianada d’Uviéu. Celébrase hasta’l 31 de mayu tolos domingos a les 12h nel Teatru Filarmónica d’Uviéu.
12:00 — Grupu Folklóricu Trebeyu
Fiestes de La Providencia (Xixón)
Actuación d’esta agrupación xixonesa de baille y música tradicional.
13:00 — Abéu
Taberna Narciso (Teberga)
Cuartetu de música tradicional con un repertoriu formáu por cantares tradicionales iguaos pa romper col so enfoque, ufriendo una visión diferente y actual.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
