Ayeri celebróse nes fiestes de Barros, en Llangréu, la séptima edición del Concursu de Baille a lo Suelto Pozaricando-Memorial Cinthia Liébana. Los ganadores d’esti certame entamáu pola Banda Gaites Llangréu xunto a la comisión de fiestes Barros foron na estaya profesional Elena Granda y Rubén Alonso (1er premiu) y Cristina García y Manuel Gutiérrez (2ª posición). Na categoría amateur algamaron el primer premiu Lucía y Manuel Angel Susacasa y el segundu Celsa Suárez y Daniel Martínez.
La xente que participó tenía que baillar trés pieces obligatories: lo pesao, lo llixero y la muñeira -nes sos variantes de la zona centro-sur-. Na estaya profesional el primer premiu tuvo gallardonáu con 300 € y el segundu con 200 € y na d’aficionaos con un diploma. La pareya de gaita y tambor qu’acompañó tuvo formada por Enol García y Dani Álvarez y en YouTube pue vese un videu resume del certame.
Suscríbite a les nuestres novedaes
