Ayeri celebróse nes fiestes de Barros, en Llangréu, la sesta edición del Concursu de Baille a lo Suelto Pozaricando-Memorial Cinthia Liébana. Los ganadores d’esti certame entamáu pola Banda Gaites Llangréu xunto a la comisión de fiestes Barros foron na estaya profesional Luis Ángel Fernández y Loreto Suárez (1er premiu) y Julio Rodríguez y Cristina García (2u premiu). Na categoría amateur algamaron el primer premiu Manuel Ángel Susacasa y Lucía Susacasa y el segundu Alba Estrada y Celsa Suárez.
La xente que participó tenía que baillar trés pieces obligatories: lo pesao, lo llixero y la muñeira -nes sos variantes de la zona centro-sur. Na estaya profesional el primer premiu tuvo gallardonáu con 300 € y el segundu con 200 € y na d’aficionaos con un diploma. La pareya de gaita y tambor qu’acompañó tuvo formada por Enol García y Dani Álvarez y en YouTube pue vese un videu resume del certame.
Suscríbite a les nuestres novedaes
