Nun Tamos Toes publiquen un cantar en sofitu a la manifestación d’esti miércoles por Palestina

Esti miercoles 29 de payares a les 19h, sal de la Plaza América d’Uviéu la manifestación Asturies con Palestina. La marcha ta sumando milenta apoyos dende delles estayes y xente la música tamién ta amosando’l so sofitu. D’esta manera, les pandereteres de música tradicional feminista, Nun Tamos Toes, tán acabante d’asoleyar nes so Instagram un videu nel qu’interpreten un cantar en sofitu al pueblu Palestín.

Nesta pieza con son tradicional y lletra d’autoría propia, Nun Tamos Toes dan dalgunes cifres de la más recién escalada de violencia qu’entamó’l pasáu ochobre na Franxa de Gaza: «14.284 muertes en Gaza, 6.150 neños y neñes asinaes, 3.000 persones secuestraes en cárceles d’Israel». Al empar dedíquen-y unes pallabres a Ahed Tamini, xoven activista palestina que’l 6 de payares volvió a entrar en cárceles israelines. Nun ye la primer vez qu’esta agrupación allugada nel CSA L’Apiaderu d’El Remediu (Nava) sofita una causa social, yá que precisamente se caractericen por usar la música tradicional pa componer nueves pieces de calter reivindicativu.

Mercar discos de Pandereta

Dexa un comentariu

X