Esti sábadu 7 d’ochobre celébrase en Xixón el X Día de la Reciella, una xornada interxeneracional na que va haber mundialín de fútbol, axedrez, taller y desfile de moda casero, vermú musical con DJ Sandrasian d’Abres, desfile cosplay, taller d’origami y d’audiovisual y música y baille. Amás, destaca la recuperación de la carrera pol asturianu Entaína, qu’aporta a la so quinta edición. Como ye vezu, l’asociación Reciella. Families pol Asturianu asoleya un cantar y videoclip inéditu coincidiendo col eventu y esti añu ye «La familia del asturianu crez». Manuela, Esther Fonseca y el fundador de Xentiquina, Nacho Fonseca, son los encargaos de poner son; mentes que les imáxenes son obra del realizador audiovisual Pablo A. Quiroga Prendes.
Suscríbite a les nuestres novedaes
