El diariu El Comercio publicó hai unes selmanes los proyectos finalistes na XXVII edición de los sos premios a la Mejor Web de Asturias. Musicasturiana.com ye una de les 25 webs qu’opten a algamar el premiu y, concretamente, ye una de les cinco finalistes dientro de la estaya de Mejor web de ocio y tiempo libre, onde compite cola d’Aller Turismo, Horizon Escuela de Surf, Lacuruxa y Maizal Food Lovers. Nes próximes selmanes va dase a conocer quién algama’l premiu.
Musicasturiana.com nació en payares 2017 como tienda online y remocicóse en xunu de 2021 p’ampliar la so xera a mediu de comunicación. Nesti tiempu foi ameyorando la so propuesta y conteníos, ente los qu’hai noticies, entrevistes, reportaxes, cróniques y otros artículos rellacionaos cola música n’asturianu y gallego-asturianu. Tamién destaca la so axenda d’eventos, los servicios qu’ufre a axentes musicales -como la distribución dixital, qu’alministra un catálogu de más de 500 referencies- y la dinamización que fai de la escena a traviés d’iniciatives como Amosando, Semando Fest, Sienti o la creación de playlists en Spotify. Les sos redes sociales -que tien más de 21.000 siguidores ente les distintes plataformes-, son tamién un altavoz fundamental de los conteníos que recueye la web.
Amás de musicasturiana.com, tamién otra web n’asturianu que figura ente les 25 finalistes. Ta dientro de la categoría de ‘Mejor web e-commerce’ y ye pururemangu.com, marca de ropa y proyectu cultural y creativu creáu en 2018 y col que Musicasturiana.com comparte empresa, oficina y personal.
Suscríbite a les nuestres novedaes
