Entama un fin de selmana enllenu de música’l país y cultura asturiana. Dende güei hasta’l domingu hai 13 cites entes les qu’hai festivales y fiestes; estrenos de formaciones musicales nueves; espectáculos; premios; esposiciones… y nos que’l folk, l’asturianada y el rock son los soníos protagonistes. Tola información ta na axenda de Musicasturiana.com y nes noticies publicaes.
XLV Selmana del Folclor Astur
La Pola Siero
La Selmana del Folclor Astur vuelve convertir a La Pola nun epicentru de la cultura tradicional con una programación qu’entemez divulgación, música, teatru y baille.
Xornaes per caleyes y senderos en Piloña
La Benéfica (L’Infiestu)
Alcuentru de trés díes que pon el focu na cultura nel mediu rural, xuntando profesionales y proyectos pa compartir esperiencies.
XXI Mercáu Tradicional La Flor de L.lena
L.lena
Mercáu con artesanía, gastronomía y folclor entamáu pola Banda de Gaites Güestia.
Festival Internacional de la Cerveza Artesano d’Asturies
Xardinos de la Pinacoteca Eduardo Úrculo (Llangréu)
Festival con programación musical que’l vienres inclúi conciertos de rock n’asturianu y sesión DJ.
19:30 — NosOtrestres
Teatru Auditoriu (La Pola Siero)
Esti tríu nuevu presenta’l so primer discu, con pieces venceyaes a los cantares de boda.
20:00 — Rodrigo Joglar y Rubén Barredo
Chigre La Maléfica (L’Infiestu, Piloña)
Actuación de gaita y canción asturiana.
21:30 — Cuévano
Taberna Cuévano (La Pola Siero)
Estrenu d’esta formación amplia con músicos de trayectories diverses dientro de la escena asturiana.
13:00 — XV Festival Folklórico n’Ayer
Polideportivu de Cabañaquinta
Xornada con sesión vermú, xinta y actuaciones d’agrupaciones tradicionales.
19:00 — II Premios La Flor de Grau
Capiella de los Dolores (Grau)
Actu de reconocimientu al llabor pol caltenimientu del folclore asturianu, que nesta edición recai en Lisardo Lombardía.
19:30 — Banda Gaites Villa de Mieres
Casa de Cultura de Mieres
Inauguración de la esposición del 30 aniversariu de la banda, con conciertu incluyíu.
11:30 — XIV Concursu de Canción Asturiana Conceyu Siero (1ª final)
Teatru Auditoriu (La Pola Siero)
Destacáu ertame dedicáu a la tonada que se celebra a lo llargo de dellos domingos dende abril.
13:00 — 13 Reyes
Auditoriu Teodoro Cuesta (Mieres)
Proyectu musical de La Laguna del Torollu y Atenéu Musical de Mieres sobre la historia de la monarquía asturiana con composición de Yónatan Sánchez Santianes.
17:00 — Bandina Los Muíles
Llanes
Actuación d’esta formación tradicional dientro de la fiesta de La Flor de Pría.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
