Vacaciones hasta’l 9 de xunu (la tienda online queda abierta)
Hasta’l vienres 9 de xunu va ta zarrada la oficina de musicasturiana.com y nun vamos actualizar les noticies diaries nin l’axenda.
Autor: Redaccion
Dixebra y Los Gascones toquen na sala Albéniz de Xixón pol 25 de mayu
Podemos Asturies entama esti actu electoral con entrada llibre nel qu’amás de conciertos va haber intervenciones polítiques.
L-R y Fruela 757 toquen esti sábadu nel 15 aniversariu de La Caxa Músicxs
El Muséu del Pueblu d’Asturies acueye un festival de 13h a 21h pa celebrar los quince años d’esti espaciu cultural y autoxestionáu xixonés.
El traxe tradicional protagoniza’l siguiente taller de San Félix
Madebykös da esti sábadu 27 en La Baragaña de Candás el taller «De la moda d’antaño a la moda d’anguaño: el dengue»
El Ciclu Festivu del Branu ta dedicáu a les ofrendes de ramos
Escontra’l Raigañu entama estes xornaes nes qu’hai charres, taller, enrame de la fonte, esposición, alcuentru de panderetes y tarde en danza.
La discografía de Llan de Cubel yá ta en Spotify
‘Na Llende’, ‘L’Otru Llau de la Mar’, ‘IV’ y ‘Un Tiempu Meyor’ yá suenen nes plataformes musicales. Próximamente va tar disponible ‘Deva’.
L.lercia llanza’l so primer trabayu de llarga duración
‘Refugayu’ ta formáu por nueve pieces qu’entemecen los soníos electrónicos con pieces bien conocíes del repertoriu tradicional.
La gaita protagoniza la nueva edición de «Música y Tradición» el 9 y 10 de xunu en Trabáu
La Guarida del Cunqueiru entama esti eventu nel que toquen D’Urria, prémiase a Xuacu Amieva y va haber alderique, música y baille.
Baxel asoleyen «Tebrandi», una reellaboración del Corri-Corri
Rigu Suárez y Paul Balmori de Corquiéu presenten un cantar nuevu col que siguen reellaborando la música popular del Oriente’l país.
Últimos díes pa pidir les subvenciones al sector de la música de la Conseyería de Cultura
El 25 mayu remata’l plazu pa pidir estes ayudes a la producción, xires, festivales o ciclos musicales fechos hasta’l 31 d’ochobre de 2023.
El programa de la RPA 90 Decibelios dedica un capítulu a Musicasturiana.com
A lo llargo d’una hora falóse sobre la evolución d’esti proyectu, la situación de la música’l país o les polítiques culturales desendolcaes.
Mapi Quintana publica «La Carta», l’adelantu de ‘Música Pa Tornar Páxaros’
Esti cantar ta dedicáu al bisgüelu de l’artista l.leniza y asoleya cuando se cumplen 85 años del so fusilamientu tres d’una acusación falsa.
A la venta ‘Llambionaes’ de Xentiquina
Ufrimos un discu más d’esta formación mítica, la única de la música n’asturianu que tuvo formada esclusivamente por neñes y neños.
Yá ta a la venta ‘Goetia’, el cuartu trabayu de Fontoria
Un total de siete temes -dos d’ellos cantaos y cuatro instrumentales- dan forma al cuartu trabayu d’esta banda de folk progresivu.
Alienda y Guieldu tán nominaos nel concursu Runas 2023 y necesiten votos online pa poder tocar n’Ortigueira
Si pasen a la final va medrar la presencia asturiana nesti pernomáu festival nel qu’esti añu tán confirmaes les actuaciones d’Algaire y Felpeyu.
Algaire publiquen la versión de «Coral y Maera» cola que ganaron el Premiu Camaretá
Ye un tema con una sonoridá más pop, sele y arriquecida musicalmente qu’aporta xunto a un videoclip fechu gracies a ganar el Camaretá.
David Guardado asoleya ‘Nunca Vencida’ y fai una playlist que resume’l llibru en 12 cantares
L’autor escueye temes musicales que foron importantes na so vida y que rellaciona colos discursos sobre Asturies de los que fala l’ensayu.
Yá ta na cai ‘A Contraforga’, el primer discu de La Bonturné
L’álbum ta formáu por nueve pieces tradicionales y de composición propia arreglaes pa que «seyan baillables y tengan calidá».
Ún de Grao, Alicia Álvarez y Misiva actúen n’acabando la manifestación pola oficialidá
La Xunta Pola Defensa de la Llingua Asturiana programa estes actuaciones pa esti sábadu na Plaza La Escandalera d’Uviéu.
La Banda Sonora d’Alicia Villanueva
La cantadora de tonada escueye los 20 cantares que más-y presten y fala de familia, de pop-rock, d’influencies y muncho más.